Asiya inkişaf Bankı missiyasının yeni Multitranche Financing Facility mexanizmi çərçivəsində maliyyələşdiriləcək yol layihəsi üzrə Azərbaycan hökuməti ilə danışıqlar aparmaq üçün Bakıya səfəri başqa vaxta keçirilir.
Bankın Bakı təmsilçiliyindən çərşənbə günü Trend ə verilən xəbərə görə, əvvəllər Xonq Vanqın rəhbərliyi ilə AİB nəqliyyat departamenti missiyasının ölkəyə səfəri yanvarın son həftəsinə təyin olunmuşdu, indi bu tarix fevrala keçirilir, lakin dəqiq vaxt hələ konkretləşməyib.
Asiya Bankı 2006-cı ilin noyabrında Azərbaycana yol layihələrinə bu mexanizm çərçivəsində $500 mln. təklif edib və Nəqliyyat nazirliyi artıq bu vəsaitlər hesabına maliyyələşə biləcək ilkin liyihələri hazırlayıb. Danışıqlar bu təkliflər çərçivəsində aparılacaq.
$150-200 mln. qədərində ilk tranş Masallı-Astara avtomagistralının bərpasına ayrılacaq. Bunun AİB direktorlar şurasında təsdiqi 2007-ci il aprelin sonu, mayın əvvəlində gözlənilir.
