Azərbaycan Qara dəniz Ticarət və İnkişaf Bankının (QTİB) direktorlar şurasının 2007-ci ilin 4-5 fevral tarixində Salonikidə keçiriləcək növbəti 55-ci iclasında iştirak edəcək.
İqtisadi İnkişaf Nazirliyindən Trend ə verilən məlumata əsasən, iclasda Azərbaycandan bankın ölkə üzrə direktoru, iqtisadi inkişaf nazirinin müavini Mikayıl Cabbarov iştirak edəcək.
Tədbirdə Azərbaycan üzrə strategiyanın təsdiqlənməsi gözlənilir. Bu digər beynəlxalq təşkilatlar tərəfindən hazırlanmış strategiyalardan fərqlənir. QTİB strategiyasının 60-70%-i ötən illərin qiymətləndirilməsindən ibarətdir. Gələcək əməkdaşlıq barədə qısa danışılıb. QTİB ilə gələcək əməkdaşlıq üçün üstünlüklər arasında bank, sənaye, kənd təsərrüfatı sahələri ayrılıb. QTİB kreditləşdirmə ilə yanaşı hər hansı bir şirkətlərin özəlləşdirilməsi imkanı üçün səhmlər kapitalında iştirak etməyə hazırdır.
Ötən ilin dekabrındakı iclasın gedişində bankın 2007--2010-cu illər üçün biznes-planı təsdiqlənib. Bu plana əsasən, növbəti illərdə QTİB üzv dövlətlərində həyata keçirilən layihələrə kredit həcmlərinin iki dəfə artırılması gözlənilir. Pul qoymaların əsas hissəsi Azərbaycanla əməkdaşlığın genişləndirilməsi üçün nəzərdə tutulub.