Trend in məlumatına əsasən, ABŞ Beynəlxalq İnkişaf Agentliyinin (USAİD ) xətti üzrə Baş dövlət xəzinəsinin avtomatlaşdırılması prosesinin davam etdirilməsi üçün 780 min dollar məbləğində qrant təqdim olunacaq.
Çərşənbə günü maliyyə naziri Samir Şərifovun məlumatına əsasən, bu layihə üzrə qrant müqaviləsinin imzalanması fevralın 7-də iqtisadi əməkdaşlıq üzrə Amerika-Azərbaycan hökumətlərarası komissiyasının I iclasında baş tutub. Bu layihə birgə maliyyələşdiriləcək və qalan hissəsi Azərbaycan tərəfindən ödəniləcək.
"Razılaşmaya əsasən, bizim vəsait avadanlıqların alınmasına istiqamətlənəcək. Amerikanın yardımına proqram təminatı, texniki yardım, məsləhətçilərin xidmətinin ödənilməsi daxildir", - deyə nazir qeyd edib.
Onun fikrincə, avtomatlaşdırmanın bütünlüklə tamamlanmaması üçün müddəti müəyyən etmək çətindir. "Bu, olduqca çətin layihədir. Layihə onun həyata keçirilməsində təşkilati dəyişikliklərin müəyyən edilməsi, xəzinədarlıq sistemində dəyişikliklər, hesbab planına əsasən qərarların qəbul edilməsi, büdcə təsnifatı üzrə hesabların daxil olması ilə mürəkkəbləşəcək", S. Şərifov hesab edir.
Xəzinənin avtomatlaşdırılması barədə danışanda bu yalnız vəsaitlərin transferəlirinin həyata keçirilməsi demək deyil. Həmçinin onu modullarla tamamlamaq planlaşdırılıb. "Vahid mərkəzi nüvə olacaq və onun bazasında əlavə modullar olacaq. Söhbət təşkilatın dövlət büdcəsindən maliyyələşdirilən əsas vəsaitlərin hesablanması üçün xüsusi proqram təminatından gedir. Vəsaitlərin vəziyyətini öyrənmək avtomatik rejimdə mümkün olacaq", deyə nazir qeyd edib.
Daha sonra büdcə öhdəliklərinin uzunmüddətli idarə olunması üçün modulların qoşulması prosesi olacaq. Həmçinin borcların idarə olunması üzrə müəyyən modulların inteqrasiyası da mümkündür. S. Şərifov hesab edir ki, bütün bu əlavə modullar əlavə vəsait tələb edəcək.
Nazir xəzinənin avtomatlaşdırılması prosesi üçün digər beynəlxalq təşkilatların da maliyyə resurslarının cəlb edilməsini istisna etmir. 2007-ci il üçün xəzinənin avtomatlaşdırılmasının qurulması üçün büdcə Amerikanın yardımı ilə 1,5 milyon manat müəyyən edilib.
