Azərbaycan, Bakı /müx. Trend İ.Xəlilova/ Azərbaycan Milli Bankı 2007-ci ilin birinci kvartalı üzrə ölkənin ödəmə sistemlərinin fəaliyyətinə dair məlumatları açıqlayıb. AMB-dət verilən bilgiyə görə, üç ay ərzində milli ödəmə sistemi ilə iri ödəmələr üzrə (AZİPS) ümumi məbləği 6 515 milyon manat olan 87 min əməliyyət keçirilib. 2006-cı ildə analoji göstərici 4211 milyon manat (72 min əməliyyət) olub. Hazırda AZİPS istifadəçilərinin sayı 138-ə çatır. Bu gün AZİPS-in 44 üzvü var, onların arasında banklar və ölkənin dövlət xəzinadarlığı yer alır.
Kiçik həcmli ödəmələrə (HONKS) gəldikdə isə müvafiq müddət ərzində burada ümumi məbləği 363 milyon manat olan 204 min əməliyyət qeydə alınıb. Halbuki ötən ilin analoji göstəricisi 277 milyon manat təşkil edib. Əgər 2006-cı ildə HONKS istifadəçilərinin sayı 128 idi isə, bu il müvafiq rəqəm 142-yə çatıb.
Qeyd edək ki, dövlət başçısının 2005-ci il 22 noyabr tarixli sərəncamına ("Azərbaycanın ödəmə sisteminin təkmilləşdirilməsi haqqında") əsasən hazırda müvafiq ödəmə sistemlərinə dövlət orqanlarının (Maliyyə Nazirliyi, Vergilər Nazirliyi, Dövlət Gömrük Komitəsi) inteqrasiyası gedir. Hazırda həmçinin xəzinadarlığın avtomatlaşdırılmış sistemi yaradılır. Bundan sonra bütün bu dövlət strukturları HONKS-a inteqrasiya olunacaqlar. Nəticədə xəzinadarlıqda dövlət büdcəsinin gəlir və xərclərin idarəedilməsi vahid hesabdan aparılacaq. Qeyd edək ki, hazırda yerlərdə xərclər xəzinadarlığın müvafiq idarələri tərəfindən həyata keçirilir. Dövlət orqanlarının HONKS-a inteqrasiyasından sonra isə müvafiq proses xəzinadarlığın vahid hesabından aparılacaq. Elektorn daşıyıcıları vasitəsi ilə Maliyyə Nazirliyi, Vergilər Nazirliyi və Dövlət Gömrük Komitəsi sözügedən ödəmə sistemi ilə real vaxt rejimində vergilərlə bağlı istənilən informasiyanı əldə edə biləcəklər. Halbuki bu gün Vergilər Nazirlyi ayın sonunu gözləməli olur, sonra isə xəzinadarlıqda vergi ödəmələrinin yoxlanılması aparılır.
Məlumat üçün bildirək ki, ötən ildə xəzinadarlıq gəlir və xərclərin vahid hesabdan idarəedilməsi ilə bağlı Xaçmazda pilot layihə keçirib. Xəzinadarlığın idarəedilməsi sisteminin avtomatlaşdırılmasından sonra isə bütün regionlar mərkəzləşdirilmiş qaydada bu prosesə qoşulacaq.
