Azərbayacan, Bakı/ Trend müxbir Ü.İsmayılova/ Mart ayında Azərbaycanın tikinti materialları bazarında qiymətlər əvvəlki aya nisbətdə 0,4 faiz, 2006-cı ilin mart ayı ilə müqayisədə 21,8 faiz artıb. Bu barədə cümə axşamı "Əmlak bazarı iştirakçıları" İctimai Birliyindən xəbər veriblər. Mart ayında yalnız emulsiyanın qiymətində 0,8 faiz ucuzlaşma müşahidə olunub.
Monitorinqin nəticələrinə əsasən, bazardakı tikinti materiallarının 33,8 faizi yerli istehsalın payına düşüb. Monitorinq 86 növ və 41 adda tikinti materialı üzrə aparılıb.
Aşağıdakı cədvəldə isə əsas tikinti materiallarının qiymətlərinin cəmləşdirildiyi fərq cədvəli göstərilib:
| Material | Mart - fevrala nisbətdə (%) | 2006-cı ilin martına nisbətdə (%) |
| Karyer daşı | 2,6 | 22,5 |
| Kərpiç | 0,3 | 60,6 |
| Ağac | 0,1 | 44,9 |
| Dikt | 0,4 | 12,0 |
| DSP | 0,4 | 27,0 |
| DVP | 0,9 | 5,6 |
| Armatur | 0,5 | 15,5 |
| Sinklənmiş metal lövhə | 1,2 | 29,2 |
| Şüşə | 1,6 | 39,4 |
| Plastik boru | 1,1 | 24,3 |
| Alçipan | 1,5 | 25,8 |