Azərbaycan, Bakı /müx. Trend Ü.İsmayılova/ SECO (İsveçrənin iqtisadi əlaqələr Dövlət Katibliyi) Azərbaycan üzrə dördillik strategiya planını (2008-2011-ci illər) hazırlayır. Bu barədə bazar ertəsi günü SECO-nun regional direktorunun müavini Tomas Meyer məlumat verib.
Meyerin sözlərinə görə, qurumun Azərbaycan üzrə strategiyası iqtisadiyyatın üç əsas sektorunu əhatə edəcək:
- Azərbaycanın Milli Bankı ilə İqtisadi İnkişaf Nazirliyinin birgə həyata keçirəcəyi ictimai maliyyələşmə. Bunun nəticəsində sözügedən dövlət orqanlarının ictimai maliyyələşmə imkanları yaranacaq.
- Özəl sektorun inkişafına yardım göstərilməsi. Layihə bölgələrdə effektiv fəaliyyət üçün qanunvericilik və infrastrukturun təkmilləşdirilməsinə təsir göstərəcək.
- Üçüncü sektor - insan resursları. Bu, Gəncədə su resursları layihəsi ilə birlikdə gerçəkləşdiriləcək və SECO ilə İsveçrə İqtisadi İnkişaf Təşkilatı tərəfindən maliyyələşdiriləcək.
Qeyd edək ki, SECO - biznes inkişafının fundamental prinsiplərini müəyyənləşdirən qurumdur. Təşkilat həmçinin inkişafda olan ölkələrdə yoxsulluğun aradan qaldırılması sahəsindəki planların hazırlanmasına texniki yardım göstərir.