Azərbaycan, Bakı/ Trend müxbir İ.Xəlilova / Azərbaycan İpoteka Fondunun vəsaitləri hesabına kreditlərin verilməsinin əvvəlindən Azərbaycan Milli Bankının yanında fəaliyyət göstərən Zamin Bank səhmdar-kommersiya bankı 12 layihəni maliyyələşdirib. Bu barədə bankın müşahidə şurasının sədri Nadir İsmayılov bildirib.
Zamin Bank 2006-cı ilin dekabrından AİF-ə üzv qəbul olunub. Verilmiş kreditlərin ümumi dəyəri 700 min manat təşkil edir.
Hazırda illik 4%-lə sosial ipoteka çərçivəsində dörd kredit verilib. İsmayılov mövcud dövlət proqramını yetərli hesab edərək özəl ipoteka proqramının hazırlanmasına lüzum görmür.
Prezidentin yanvar ayında ipoteka kreditlərinin verilmə qaydalarının təkmilləşdirilməsi barədə fərmanına uyğun olaraq Azərbaycanda güzəştli ipoteka kreditlərinin verilməsi qaydaları təsdiqlənib.
| əvvəlki | Ümumi ipoteka kreditləri | Sosial ipoteka | |
| Kreditin verilmə müddəti | 15 il | 25 il | 30 il |
| İlkin ödəniş | 30% | 15-0% | 15-0% |
| Kreditin maksimum məbləği | 30 000 | 50 000 | 35 000 |
| Maksimum faiz dərəcəsi | 12% | 8% | 4% |
| Gəlirə nisbətdə annuit ödəmə | 50% | 70% | 70% |
| Sığortanın növü | Əmlak və həyat sığortası | Əmlak sığortası | Əmlak sığortası |
| Defolt tarixi | 2 ay | 3 ay | 3 ay |
