Azərbaycan,Bakı/müxbir Trend İ.Xəlilova/Azərbaycan hökuməti 2007-ci ildə respublika və beynəlxalq əhəmiyyətli avtomobil yollarının inkişafına 400 mln. dollar investisiya qoymağı planlaşdırır. Bu barədə çərşənbə günü nəqliyyat nazirinin müavini Musa Pənahov məlumat verib.
"Bu gün nəqliyyat sektoru iqtisadiyyatın dinamik inkişaf edən sahələrindən biridir və hökumət yol təsərrüfatında tikinti-təmir işlərinə maliyyə yardımı göstərilməsinə böyük diqqət ayırır. Azərbaycanın nəqliyyat sahəsi artıq beynəlxalq nəqliyyat sektorunda müəyyən yer tutur" - deyə nazir müavini bildirib.
Bakı-Tbilisi-Qars marşrutu üzrə dəmir yolu əlaqəsinin açılışı layihəsinin reallaşdırılması ilə əlaqədar Azərbaycan hökuməti Gürcüstan hissəsinin tikintisini yenidən maliyyələşdirəcək və bunun üçün 200 mln. dollar kredit ayıracaq. Turkiyə də özünün dəmir yolu hissəsinin tikintisinə bu qədər vəsait ayıracaq.
"Azərbaycan dəmir yollarının keyfiyyətli olması üçün həmçinin nəqliyyatın bu sahəsinə investsiyalar yatırılmasını nəzərdə tutulur. Bununla əlaqədar Azərbaycanda dəmir yollarının təkmilləşdirilməsi üzrə Dövlət Proqramı hazırlanıb" - deyə Pənahov bildirib.