Azərbaycan, Bakı /müxbir Trend S.Əliyev/18-19 iyunda Bakıda keçirilməsi planlaşdırılan GUAM dövlətlərinin sammitində ölkələr arasında multimodal daşınmalar haqqında çoxtərəfli sazişin imzalanması nəzərdə tutulur. Bu barədə cümə axşamı Azərbaycanın Nəqliyyat Nazirliyindən məlumat verilib. Sazişin layihəsi artıq hazırlanıb.
Azərbaycan GUAM təşkilatının nəqliyyat üzrə koordinatorudur. Sammitdə həmçinin dörd ölkənin nəqliyyat nazirlərinin görüşü keçiriləcək.
Bakıda mayın əvvəlində milli koordinasiya komitəsinin iclasında milli koordinatorlar GUAM-ın birgə bəyanatlarının razılaşdırılmasının müvəqqəti prosedurlarının reallaşdırılması mexnizmini nəzərdən keçirib, BMT Baş Assambleyasının 61-ci iclasının gündəliyindəki qətnamə layihəsinin - "GUAM məkanında uzunmüddətli münaqişələr və beynəlxalq aləm, təhlükəsizlik və inkişaf üçün onların nəticələri" qətnaməsinin yerinə yetirilməsi məsələlərini müzakirə edib.
Diplomatlar Vaşinqtonda milli koordinatorların GUAM-ABŞ görüşünün və "Demokrtiya və İqtisadi İnkişaf Naminə Təşkilat GUAM: prioritetlər və perspektivlər" konfransının təşkili məsələlərini nəzərdən keçirib. Konfransın ilin ikinci yarısında keçirilməsi planlaşdırılır.
