Azərbaycan, Bakı /müx. Trend İ.Xəlilova/ Azərbaycanın Dövlət Əmlakının İdarəsi üzrə Dövlət Komitəsi "Ulduz" elm-istehsalat birliyinin əmlakının Abşeron və Xızı rayonlarının inzibati ərazilərində yaradılmış sənaye şəhərciklərinə köçürülməsi ilə əlaqədar olaraq yerinin dəyişdirilməsinin birinci mərhələsi üzrə tender elan edib.
Dövlət komitəsindən şənbə günü verilən məlumata görə, tenderin mövzusu qurğuların köçürülməsi və demontajı, tikililərin təchizatı, istifadəyə yararlı əmlakın qorunub saxlanması, ərazilərin tullantılardan təmizlənməsi, razılaşdırılmış qaydalara uyğun olaraq mövcud kommunikasiya xətlərinin demontajıdır.
Tenderdə iştirak etmək istəyənlər sənədləri (təklif və bank təminatı istisna olmaqla) avqustun 28-nə kimi Bakı şəhəri, Y. Səfərov küç. 20, otaq 914 ünvanına təqdim edə bilərlər.
Tələb olunan sənədlərə iştirak barədə ərizə, vergi borclarının olmaması barədə arayış, iştirak haqqının ödənilməsi barədə bankdan arayış, namizədin iqtisadi fəaliyyəti barədə məlumat (fəaliyyətin əsas istiqamətləri), son illər ərzindəki maliyyə vəziyyəti barədə arayış daxildir.
Tender təklifləri və təklifin dəyərinin 2%-nə bank təminatı sentyabrın 5-nə qədər qəbul olunacaq. Tenderdə iştirak haqqı 2000 min manatdır. Tender təklifləririn aşkarlanması sentyabrın 6-da saat 11:00-da baş tutacaq.
Əlaqə telefonları: 490-24-08 (daxili 150,242), faks: 490-33-59.
