Azərbaycan, Bakı/ Trend müxbir İ.Xəlilova/ Azərbaycan Banklar Assosiasiyası (ABA) iyulun 17-də Assosiasiyanın konfransınada bəyənilmiş yen nizamnaməni Ədliyyə Nazirliyinə təqdim etməyə hazırlaşır. Bu barədə bazar ertəsi Assosiasiyanın icraçı direktoru Fərhad Əliyev bildirib.
Hazırda Assosiasiya 10 il bundan əvvəl qəbul olunmuş nizamnamə əsasında fəaliyyət göstərir.
Yenilənən sənəddə ABA struktur elementlərinin funksiyaları, hüquqları, öhdəlik və məsuliyyətləri dəqiqləşdirilib. Bu məsələlər köhnə nizamnamədə dəqiq əks olunmayıb.
Yeni nizamnaməyə əsasən, ABA rəyasət heyəti və auditor komitəsi beş il müddətinə çağırılacaq. Rəyasət heyətinin toplantıları rübdə bir dəfədən az olmayaraq keçirilməlidir.