Azərbaycan, Bakı/ Trend müxbir Ü.İsmayılova/ ƏDV-nin faiz dərəcəsinin indi planlaşdırıldığı kimi aşağı salınması ilə dəyişiklik hiss olunmayacaq. Bu barədə çərşənbə axşamı Vergilər Nazirliyinin 2008-ci ildə ƏDV-ni hazırkı 18 faizdən 17,5 faizə salmaqla bağlı niyyətini şərh edən İctimai Maliyyə Monitorinq Mərkəzinin rəhbəri İnqilab Əhmədov bildirib.
"Nəzərə alınsa ki, bu gün ƏDV-nin digər vergilərə nisbətdə xüsusi çəkisi azalır və mənfəət vergisinin xüsusi çəkisi isə əhəmiyyətli dərəcədə artır, yarım faiz azalma vergi ödəyicisi üçün o qədər də əhəmiyyətli deyil" - deyə o bildirib.
Əhmədovun sözlərinə görə, ƏDV-nin yarım faiz azalması hökumət tərəfindən bu vergi növünün tədricən azaldılmasının siyasi nümayişidir.
Qeyd edək ki, daha öncə Azərbaycan Sahibkarlar Konfederasiyası Vergilər Nazirliyinə ƏDV-ni 18 faizdən 14 faizə salmağı təklif edib.
"Hesab edirəm ki, nə vergilərin yığılmasında, nə də biznesin inkişafında əhəmiyyətli dəyişiklik olmayacaq" - deyə o söyləyib.