Azərbaycan, Bakı / Trend , müxbir İ.Xəlilova/ İlkin məlumatlara görə, 2007-ci ilin üçüncü rübü ərzində Azərbaycan Beynəlxalq Əməliyyat Şirkəti, gəlir vergisi qismində, dövlət büdcəsinə 620 mln. dollardan çox ( təxminən 530 mln. manat) vəsait daxil edib, hökumətdən verilən məlumatda belə deyilir. Dövlət büdcəsində neftin qiymətinin bir barrel üçün 50 dollar həcmində müəyyənləşdirildiyini nəzərə alsaq, üçüncü rübdə orta qiymət 70 dollardan çox olub, real vəsaitlər gözlənilən səviyyədən çox olub.
Birinci rübdə ABƏŞ-dən daxil olan vəsaitlər 499 mln. manat, ikinci rübdə isə, 610 mln. manat həcmində olub.
2006-cı il ərzində ABƏŞ büdcəyə 1216, 9 mln. manat vəsait daxil edib. 2007-ci ildə 1,5 mlrd. manatın əldə edilməsi gözlənilib, lakin bu proqnoz 9 ay ərzində artıqlaması ilə yerinə yetirilib.