Azərbaycan, Bakı, 18 fevral/ Trend / Şotlandiyanın dəniz əməliyyatları üçün neft avadanlığının icarəsi üzrə ixtisaslaşan ATR Group şirkəti xarici investisiyaların birinci mərhələsini başa çatdırıb.
Şirkətin məlumatına görə, o, Azərbaycanda artıq 500 min funt-sterlinq xərcləyib və 10 nəfərdən ibarət komanda toplayıb.
"Azərbaycanın inkişaf etmiş biznesində iştirak ATR Group -a Xəzərdəki öz planlarına tez çatmaq üçün imkan olub. Biz artıq işçi qüvvəsini ikiqat artırmışıq", - şirkətin direktoru Robert Skidmor bildirib.
ATR-in Xəzərdə biznesinin inkişafı sentyabrdan, Bakıda Bridon International business-i aldıqdan sonra başlayıb.
Hazırda ATR şirkətinin diqqəti Şimali Afrika, Mərkəzi-Şərqi və Cənub-Şərqi Asiyada imkanların axtarışına yönəlib.
