Azərbaycan, Bakı, 06 may / Trend / Cari ilin yanvar-aprel aylarında Azərbaycan Dövlət Neft Şirkəti (ARDNŞ) 70559 metr həcmində qazma işi həyata keçirib. Bu barədə ARDNŞ-dan məlumat verilib. Bu iş həcmi ötən ilin göstəricisindən 6263 metr artıqdır. Aprel ayında yataqlarda 15631 metr qazma işi aparılıb.
Cari ilin yanvar-aprelində istismar qazmalarının həcmi 68380 metr təşkil edib. Bu, ötən ilin analoji dövr göstəricisindən 7084 metr artıqdır. Aprel ayında istismar qazmaları 15268 metr təşkil edib.
Yanvar-apreldə kəşfiyyat qazmalarının həcmi 2179 metr təşkil edib. Bu isə 2007-ci ilin göstəricisindən 821 metr azdır. Aprel ayında 363 metr kəşfiyyat qazma işləri aparılıb.
