...

Azərbaycan və Mərkəzi Asiyadan Gürcüstanın Qara dəniz limanlarına neft və neft məhsullarının nəqli çətin olaraq qalır

Energetika Materials 19 Avqust 2008 18:09 (UTC +04:00)

Azərbaycan, Bakı. 19 avqust/ Trend , müxbir E.İsmayılov/ Azərbaycan və Mərkəzi Asiyadan neft və neft məhsullarının müvəqqəti olaraq Poti, Batumi və Kulevi Qara dəniz limanlarına nəqli üçün istifadə ediləcək Tbilisi yaxınlığındakı körpüdə təmir işləri başa çatdırılmayıb. Bu barədə çərşənbə axşamı SOCAR Georgia şirkətinin Baş direktoru Mahir Məmmədov məlumat verib.

"Təmir başa çatdırılmayıb. Axşama dəyişiklik ola bilər. Körpüdə aparılan işlərə baxmayaraq, görünür, bu körpü belə yüklərin nəqli üçün yaramır", - Məmmədov bildirib.

Dəmir yolu yatağının bu hissəsinin təmiri üzrə işlər bir neçə gündür ki aparılır. İşləri gürcü və azərbaycanlı mütəxəssislər həyata keçirirlər.

Hazırda Böyükkəsik stansiaysında (Azərbaycan və Gürcüstan sərhədi) altı neft və neft məhsulları ilə yüklənmiş qatar dayanıb. Daha altı qatar bu stansiya yaxınlığında Azərbaycan ərazisindədir. Tbilisi yaxınlığında da15-dək qatar cəmləşib.

Şənbə günü Gürcüstanın Kaspi şəhəri yaxınlığında körpünün (Gürcüstanın Qara dəniz limanlarına aparan) partladılması nəticəsində neft və neft məhsullarının dəmir yolu ilə nəqli dayandırılıb.

Bu məsələ üzrə təcili şərhlə bağlı Azərbaycanın Dövlət Dəmir Yolu ilə (ADDY) əlaqə saxlamaq mümkün olmayıb. Lakin əvvəllər ADDY- dən bildiriblər ki, mal və sərnişin qatarları normal rejimdə hərəkət edirlər. Belə ki, hərəkət yalnız Tbilisiyədək həyata keçirilir.

SOCAR Georgia Azərbaycan Dövlət Neft Şirkətinin törəmə şirkətidir. Gürcüstandakı Kulevi limanı ARDNŞ -yə məxsusdur.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti