Azərbaycan, Bakı, 27 oktyabr/ Trend , müxbir E.İsmayılov/ İki il ərzində SOCAR şirkəti (Azərbaycanın Dövlət Neft Şirkəti) Gürcüstandakı yanacaqdoldurma məntəqələrinin (YDM) 60 ədədə çatdıracaq, - SOCAR Georgia şirkətindən bazar ertəsi bildiriblər.
Hazırda SOCAR Georgia-nın Gürcüstanda 16 YDM-i var. Bir neçə gün əvvəl Poniçala rayonunda YDM açılıb. Bu həftə Vaxuşti rayonunda daha bir məntəqə açmaq planlaşdırılır, - mənbə bildirib.
İlin sonunadək şirkət Tbilisidə dörd, Dmanisi, Kutaisi və Zestafoni rayonlarının hər birində 1 olmaqla, daha yeddi YDM istismara verməyi planlaşdırır,- mənbə bildirib.
SOCAR Georgia-nın həmtəsisçiləri aşağıdakılardır: SOCAR - 51 faiz, Petro Trans FZCO - 32,7 faiz və İvan Çxartişvili - 16,3 faiz.
Müəlliflə əlaqə saxlamaq üçün elektron ünvan: [email protected]