Bakı. Trend:
Qəzza zolağının şimalında ötən gecə yola yerləşdirilmiş partlayıcı qurğunun işə düşməsi nəticəsində beş israilli əsgər həlak olub, 14-ü yaralanıb.
Trend xəbər verir ki, bu barədə İsrail Müdafiə Qüvvələri (IDF) məlumat yayıb.
Həlak olan əsgərlərdən ikisinin adı açıqlanıb: (Baş çavuş Meir Şimon Amar, 20 yaş; Çavuş Moşe Nissim Freç, 20 yaş) Onlar hər ikisi Kfir briqadasının "Netzah Yehuda" batalyonunda xidmət edirdilər.
İsrail Müdafiə Qüvvələrinin ilkin araşdırmasına görə, əsgərlər bazar ertəsi saat 22:00 radələrində Beit Hanun ərazisində aparılan quru əməliyyatları zamanı yolun kənarına yerləşdirilmiş bombanın partlaması nəticəsində həlak olublar. Əsgərlər hadisə zamanı nəqliyyat vasitəsində deyil, piyada olublar.