Azərbaycan, Bakı, 30 oktyabr/ Trend , müxbir E.İsmayılov/ Azərbaycan hökuməti 2009 - cu ilin büdcə proqnozlarının formalaşdırılması üçün neftin qiymətinin müzakirəsinə başlayıb. Parlamentin Iqtisadi siyasət daimi komissiyasının rəhbəri Ziyad Səmədzadənin bildirdiyinə görə, 2009 - cu ilin büdcəsində neftin qiymətinin bir neçə variantı nəzərdən keçirilir - bir barelə görə 60 və ya 70 dollar səviyyəsində.
"Düşünürəm ki, 2009 - cu ilin büdcəsində neftin qiyməti bir barelə görə 60 dollardan aşağı müəyyən edilməyəcək", - Səmədzadə bildirib.
Hökumətin iqtisadi bloku da eyni rəydədir.
Onun sözlərinə görə, parlament komissiyasında dövlət büdcəsi proqnozlarının ilkin müzakirəsindən sonra vəziyyət aydınlaşacaq. Büdcə sisteminin səmərəli işləməsi və obyektiv proqnozların tərtib edilməsi üçün, OPEK-də daxil olmaqla, beynəlxalq ekspertlərin proqnozları nəzərə alınacaq.
"Biz real vəziyyətdən çıxış edəcəyik. Belə ki, hazırda ekspertlərin, analitiklərin proqnozları müxtəlifdir. Biz bütün bu prosesləri daha obyektiv nəzərə almalıyıq". - Səmədzadə bildirib.
Komissiya rəhbərinin sözlərinə görə, "hətta dünya bazarında qiymətlərin kəskin şəkildə dəyişməsinə baxmayaraq", Azərbaycanın büdcə sisteminin səmərəli fəaliyyəti üçün bütün əsaslar var.
2008 - ci il dövlət büdcəsi proqnozları formalaşdırılarkən, neftin qiyməti bir barelə görə 70 dollar səviyyəsində müəyyən edilmişdi. Ay ərzində bu göstərici bir qədər azaldılsa da, il ərzində dünya bazarında qiymətlər daha yüksək səviyyədə qalıb.
Müəlliflə əlaqə saxlamaq üçün elektron ünvan: [email protected]
