Azərbaycan, Bakı, 24 noyabr/ Trend / Vyanada "Birinci Beynəlxalq Qaz Forumu"nda enerji təhlükəsizliyi və qaz kəmərlərinin diversifikasiyası müzakirə olunacaq, - Azərbaycanın Sənaye və Energetika Nazirliyinin bazar ertəsi yayılmış məlumatında bildirilir.
"Dünya qaz bazarı regionlardan qloballaşmaya doğru" devizi altında keçirilən iki günlük forum bazar günü işə başlayıb.
Azərbaycanı forumda ölkənin sənaye və energetika naziri Natiq Əliyevin başçılıq etdiyi nümayəndə heyəti təmsil edir. Nazir məruzə ilə çıxış edəcək.
Foruma Niderland, Qətər, Misir, İran, Əlcəzair, Rusiya və digər ölkələrin enerji nazirliklərinin nümayəndə heyətləri, TOTAL, StatoilHydro, Qazprom kimi iri neft şirkətlərinin rəhbərləri iştirak edirlər.
