Azərbaycan, Bakı, 06 dekabr / Trend / SOCAR-ın (Azərbaycan Dövlət Neft Şirkəti) "General Əlağa Şıxlinski" qaldırıcı gəmisi "Bulla dəniz-82" platformasının müasirləşməsi çərçivəsində, vertolyot meydançasının və iki çənin nəqlinə başlayıb, - SOCAR-ın yaydığı məlumatda deyilir.
Nəql olunan avadanlıq Heydər Əliyev adına dərin özüllər və "Neftqaztikinti" trestinin metal konstruksiyalar zavodunda istehsal olunub.
"Neftqaztikinti" üst qurğuları, sənaye avadanlığının, yanalma meydançalarının montajını başa çatdırıb. Bu ilin sonu - 2009 - cu ilin əvvəllərində Nəriman Nərimanov adına Neft Qaz Çıxarma İdarəsi yeni platformada kəşfiyyat quyusunun qazılmasını planlaşdırır, - SOCAR- dakı mənbə əvvəllər belə deyib.
Yeni quyunun layihə dərinlyi 6400 metrdir.
Bu quyudan gündə 500 min kubmetr qaz və 80 ton kondensat qazı hasil olunacağı gözlənilir, - mənbə deyib.