Azərbaycan, Bakı, 16 dekabr/ Trend , müxbirlər A.Bədəlova, S.Əliyev/ Xəzər regionu ölkələri Avropanın enerji tədarüklərinin diversifikasiyasında vacib rol oynaya bilərlər, - StatoilHydro Azerbaijan şirkətinin prezidenti Kristian Hausken (Kristian Hausken) hesab edir.
Onun sözlərinə görə, hazırki ağır iqtisadi vaxtda ölkə və şirkətlərin öz prioritetlərinə yenidən baxması lazımdır.
"İndiki şəratdə rəqabət məsələsini həll etmədən enerji təhlükəsizliyini nəzərdən keçirmək çətindir", - Hausken çərşənbə axşamı Trend -a bildirib.
StatoilHydro Azerbaijan-ın prezidentinin sözlərinə görə, praktiki olaraq, dünya maliyyə böhranı qaza da tələbata təsir edib. Onun rəyinə görə, yanacağın bu növünə tələbat azalacaq.
"Qaza tələbatın həcmi böhranın davamlılığından və vəziyyətin nə zaman yenidən sabit olacağından asılı qalacaq. İndi proqnoz vermək çətindir", - Hausken bildirib.
Hausken hesab edir ki, bu gün neftdən asılı olmayan qaz qiymətlərinin müəyyən edilməsi faydalı olmaya bilər.
"Əksər hallarda qaz və neft bir-birini əvəzləyə bilər. Uzunmüddətli qaz müqavilələrində qiymətlərin neftlə əlaqəsini nəzərdə tutan bəndlər var. Qazın spot bazarında satıldığı ABŞ və Birləşmiş Krallıq kimi tənzimlənməmiş bazarlarda neftlə əlaqə daha qeyri-müəyyən olur", - Hausken bildirib.
İtaliyanın Edison şirkətinin rəsmi saytında yerləşdirdiyi proqnozuna görə, 2013 -cü ilə Avropada qaza tələbat 2006-cı ildəki 558 mlrd. kubmetrə qarşı 638 mlrd. kubmetr təşkil edəcək. 2020 - ci ilə Avropada bu yanacağa tələbat təxminən 13 faiz - 720 mlrd. kubmetrədək artacaq.
Edison qeyd edir ki, 12 ildən sonra Avropa tələbatın 720 mlrd. kubmetr olduğu vaxtda 500 mlrd. kubmetr təşkil edəcək qaz idxalından 70 faiz asılı olacaq.
Müəlliflə əlaqə saxlamaq üçün elektron ünvan: с[email protected]
