Azərbaycan, Bakı, 23 dekabr/ Trend , müxbir E.İsmayılov/ "SOCAR şirkəti (Azərbaycanın Dövlət Neft Şirkəti) neftin qiymətinin azalması ilə əlaqədar, sərmayə layihələrinin dəqiqləşdirilməsi üzərində işləyir", - SOCAR-ın prezidenti Rövnəq Abdullayev çərşənbə axşamı bildirib.
Onun sözlərinə görə, "indi bizdə böyük ekspert və mütəxəsisslər qrupu işləyir və onlar, neftin hər bir qiyməti nəzərə alınmaqla, bütün variantları, hansı sərmayələri reallaşdırmağın lazım olduğunu hesablayırlar".
Türkiyədəki Petkim neft - kimya kompleksi normal fəaliyyət göstərir. "Biz Pektimdə böyük iş görmüş, islahatlar aparmışıq. İndi Petkim böhran şəraitində [beynəlxalq maliyyə] gəlirlə işləyən müəssisədir", - Abdullayev deyib.
Müəlliflə əlaqə saxlamaq üçün elektron ünvan: [email protected]
