Azərbaycan, Bakı, 05 yanvar / Trend , müxbir E.İsmayılov/ Bazar ertəsi SOCAR - dakı işlərə yaxın mənbənin bildirdiyi kimi, yanvarın axırına SOCAR şirkətinin (Azərbaycan Dövlət Neft Şirkəti) Heydər Əliyev adına dərin özüllər zavodu, "Günəşli - 4" dəniz platformasından aşağı təzyiqli qazı quruya nəql etmək və tam sıxmaq üçün lazımi qaz - kompressor stansiyası olan ikibloklu platformanın birinci blokunun tikintisinə başlayacaq.
Əvvəllər SOCAR-da söylədikləri kimi, bu stansiyanı işə salandan sonra "Günəşli" yatağının dayaz hissəsində yerləşən "Günəşli - 4" platformasındakı səmt qazı, sutkada 300 min kubmetr həcmində yığılıb, yüksək təzyiq altında (40 atmosferə qədər) sahilə nəql olunacaq.
" Zavod bu blokun tikintisi üçün lazımi materialları gözləyir.Tikinti işlərinə yanvarın sonundan başlanılacaq,"- deyə mənbə bildirib. İkinci blokun tikintisini "Neft -qaz tikinti" tresti həyata kecirəcək.
Bu stansiyanın işə salınması, SOCAR-a əvvəllər lazımi infrastrukturun olmamasından atmosferə atılan qazı yığıb və sahilə nəql etmək imkanı verəcək. Layihənin gerçəkləşməsi ekoloji vəziyəti də yaxşılaşdıracaq.
Stansiyanı avadanlıqla Almaniyanın Siemens şirkəti təchiz edəcək, - SOCAR - dan bildiriblər.
Məqalə müəllifi ilə əlaqə ünvanı: [email protected]