Azərbaycan, Bakı, 08 yanvar/ Trend müxbir S.Babayeva/ 2008-ci ildə "Azneftkimyamash" ASC ötən ilin göstəricisi ilə müqayisədə istehsalı 25 faiz artırıb. Bu barədə cümə axşamı ASC-nin baş iqtisadçısı Nəriman Böyükkişi bildirib.
Onun sözlərinə görə, il ərzində 36,5 mln. manat həcmində neftmədən, geoloji-axtarış avadanlıqları, alətlər və ehtiyat hissləri istehsal olunub ki, bu da proqnozları 7 faiz üstələyir.
Bu dövr ərzində ASC-nin əsas müəssisələri - Zabrat maşınqayırma zavodu 5,2 mln. manat, Suraxanı maşınqayırma zavodu 5,1 mln. manat, "Baki fəhləsi" zavodu 4,5 mln. manat, Sabunçu EİB 3,5 mln. manat, Bakı neftmədən maşınqayırma zavodu 3,4 mln. manat, Sərdarov adına zavod 1,8 mln. manat, Bakı maşınqayırma zavodu 4,3 mln. manat, Səttarxan adına zavod 3,4 mln. manat həcmində məhsul istehsal edib.
2008-ci ildə təşkilat 33,5 mln. manat həcmində istehsal proqnozlaşdırır.
"Azneftkimyamash" ASC respublika prezidentinin 2001-ci il 22 mart tarixli sərəncamı ilə "Azneftkimyamash" dövlət şirkətinin bazasında yaradılıb. ASC-nin tərkibinə 14 maşınqayırma zavodu, 4 elmi-tədqiqat və layihə-konstruktor institutu daxildir.
Məqalə müəllifi ilə əlaqə ünvanı - [email protected]