Azərbaycan, Bakı, 02 fevral/ Trend , müxbir E.İsmayılov, C.Babayeva/ "İxrac neft-qaz fəaliyyətində xüsusi iqtisadi rejimin tətbiq edilməsi haqqında" Qanun Azərbaycanın dövlət büdcəsinə daxilolmaların artırılmasına yönəlib, - Azərbaycan parlamentinin vitse-spikeri, parlamentin ekologiya, təbii ehtiyatlar və energetika komissiyasının sədri Valeh Ələsgərov bazar ertəsi bildirib.
"Bu Qanun büdcəyə daxilolmaların mənbələrinin genişləndirilməsinə və bu mənbələrdən daxil olan vəsaitlərin artırılmasına yönəlib", - Ələsgərov qeyd edib.
Ələsgərovun sözlərinə görə, bu Qanunun tətbiqi ilk növbədə ölkənin qeyri-neft sektorunun inkişafına yardım edəcək.
Bazar ertəsi Azərbaycan parlamenti ikinci oxunuşda bu sənədi qəbul edib.
Bu Qanuna əsasən, Azərbaycanda qeydiyyatdan keçmiş, Azərbaycan qanunvericiliyinə müvafiq olaraq iş aparan, ölkədə tikinti meydançaları, infrastruktur və personalı olan şirkətlər respublikadan kənardan həyata keçirmək üçün layihə alarkən ƏDV və gömrük rüsumlarından azad olunacaqlar.
Qanun layihəsinə görə, podrat və subpodratçılar Qanunla nəzərdə tutulmuş qaydada ixrac neft-qaz fəaliyyəti ilə bağlı vergiləri ödəyəcəklər. İxrac neft-qaz fəaliyyəti ilə əlaqədar Azərbaycana idxal olunan və ölkədən ixrac edilən mallar gömrük rüsumundan azad olunacaq. Bundan əlavə, Qanunda podrat və subpodratçıların əmək müqavilələrinin nizamlanması üzrə öhdəlikləri də göstərilib.
Müəlliflə əlaqə saxlamaq üçün elektron ünvan: [email protected]