Azərbaycan, Bakı, 22 may / Trend , müxbir İ.Хəlilova /
Azərbaycan Parlamenti cümə günü SOCAR və Rusneft Neftchala Investment Limited və Land and General Berhad arasında "Neftçala", "Xilə" və "Babazanan" yataqlarının kəşfiyyatı, işlənməsi və bərpası üzrə imzalanan müqaviləni ratifikasiya edib.
Bu yataqlar Anshad Petrol əməliyyat şirkəti tərəfindən işlənilir.
Anshad Petrol BM 1993-cü ildə SOCAR və Türkiyənin Atilla Dogan Petrol şirkəti tərəfindən keçmiş "Neftçalaneft" NQÇİ əsasında yaradılıb. 1995-ci ildə Malayziyanın Land and General Berhad şirkəti Atilla Dogan Petrol-un 17,15 faizlik payını alaraq layihənin iştirakçısı olub.
Hazırda BM-də iştirak payı bu şəkildədir: SOCAR - 51 faiz, Rusneft Neftchala Investment Limited - 31,85 faiz və Malaziyanın Land and General Berhad şirkəti - 17,15 faiz.
Məqalə müəllifi ilə əlaqə ünvanı: [email protected]
