Azərbaycan, Bakı, 30 iyul / Trend , müxbir E.İsmayılov /
ARDNŞ-in Heydər Əliyev adına Dərin Özüllər Zavodu "Neft Daşları -2585" yeni dörbloklu platformanın iki blokunun inşası çərçivəsində planlaşdırılan tikinti işlərinin 50%-ni artıq həyata keçirib, bu barədə cümə axşamı ARDNŞ-dəki işə yaxın mənbə bildirib. Platformanın iki blokunun tikinti işlərinin bu ilin sonuna kimi başa çatacağı planlaşdırılır.
"Platformanın bloklarının inşası davam edir, demək olar ki, işlərin 50% faizi həyata keçirilib", - deyə mənbədən bildirilib.
Yeni platformalar ehtiyatları əhəmiyətli dərəcədə işlədilən "Neft Daşları" yatağında neft hasilatının stabil həcmlərinin saxlanılması üçün vacibdir. "Neft Daşları" Azərbaycanın karbohidrogen hasil etməyə başladığı ilk dəniz yatağıdır.
Digər iki blokun inşasını Zığdakı tikinti-quraşdırma meydanında "Neft-qaz tikinti" tresti həyata keçirəcək, onlar da artıq tikinti işlərinə başlayıb, mənbədən bildirilib.
Yeni platforma "Neft Daşları - 1887" beşbloklu platformanın 500 metrliyində, suyun 46 metr dərinliyində yerləşdiriləcək. Yeni platformadan 12 quyunun qazılması planlaşdırılır.
Bu tədbirlər Azərbaycan Prezidentinin "Neft Daşları"nın Neft-qaz Hasilatı İdarəsi tərəfindən hasilat həcminin 812 min tondan 1,2 milyon tona (1,5 dəfə) kimi artırılması haqqında sərəncamı çərçivəsində həyata keçirilir. ARDNŞ geoloqlarının qiymətləndirməsinə əsasən, "Neft Daşları" yatağında neftin qalıq həcmi 30 milyon ton təşkil edir. Yataqda neft hasilatının həcminin artırılması məqsədilə ARDNŞ 2010-cu ilə kimi 78 yeni quyu qazacaq.
Məqalə müəllifi ilə əlaqə ünvanı: [email protected]
