Azərbaycan, Bakı, 10 avqust / Trend /
ARDNŞ (Azərbaycan Dövlət Neft Şirkəti) bu ilin yanvar-iyul aylarında Bakı-Novorossiysk şimal boru kəməri vasitəsilə 1,5 milyon tona qədər neft ixrac edib. Keçən ilin müvafiq dövründəki göstərici 782 min tondan çox olub. Bu barədə ARDNŞ-dən verilən məlumatda deyilir.
İyulda bu boru kəməri ilə ötən ilin müvafiq dövründəki təxminən 83,7 min tona qarşı 247 min ton neft ixrac olunub.
2009-cu ildə ARDNŞ Bakı-Novorossiysk boru kəməri ilə neft ixracını 2,5 milyon tona çatdərmaq niyyətindədir. 2008-ci ildə bu göstərici təxminən 1,3 milyon ton olub.
2006 və 2007-ci ildə bu marşrutla daşınan neftin həcmi 1,2 milyon tona yaxın olub. 2005-ci ildə Bakı-Novorossiysklə 1,6 milyon ton neft nəql edilib.
