Qazaxıstan, Astana, 24 sentyabr / Trend , müxbirlər K.Konırova, E.İsmayılov /
Azərbaycanda ARDNŞ brendi altında 26 yanacaqdoldurma stansiyasının (YDS) inşası həyata keçirilir. Bu barədə cümə axşamı ARDNŞ prezidenti Rövnəq Abdullayev bildirib.
"Hazırda 26 yanacaqdoldurma stansiyasının inşası eyni zamanda həyata keçirilir. Biz hazırda Azərbaycanda ARDNŞ brendinin yaradılması üzərində çalışırıq", - Abdullayev deyib.
ARDNŞ-nin yüksək rütbəli nümayəndəsinin bir meddət əvvəl dediyi kimi, bu layihənin həyata keçirilməsi üçün SOCAR Petroleum (SOCAR və A.P. Petroleum) birgə müəssisəsi (BM) yaradılıb. Şirkətin nizamnamə kapitalı 10 milyon dollar təşkil edir, bu vəsait ARDNŞ tərəfindən yatırılıb. BM Azərbaycanda distribüsiya fəaliyyəti ilə məşğul olur.
Mənbənin qeyd etdiyi kimi, hazırkı inkişaf planına əsasən birinci mərhələdə 26 yanacaqdoldurma stansiyasının açılması planlaşdırılır, gələcəkdə isə ümumi inkişafın nəzərə alınması ilə onların sayı artırılacaq.
Birgə müəssisə artıq fəaliyyət göstərir, və o, kredit ehtiyatları, həmçinin öz dövriyyəsi hesabına YDS-lərin tədricən inşasını həyata keçirəcək.
Hazırda ARDNŞ Gürcüstanda YDS şəbəkəsinə malikdir (20 YDS), onların sayının yaxın illərdə 60-a çatdırılacağı güman edilir.
Hazırda şirkət neft hasil edərək, özünün iki Neft Eamlı zavodlarında emal edir. NEZ-lərin ümumi emal gücü 20 milyon ton təşkil edir. Hər il ARDNŞ NEZ-lərdə 6-7 milyon ton neft emal edir.
Məqalə müəllifi ilə əlaqə ünvanı: [email protected]