Azərbaycan, Bakı, 23 oktyabr / Trend , müxbir A. Bədəlova/
Dünyada iri ABŞ banklarından biri JPMorgan-ın analitikləri hesab edirlər ki, neftin bir barelinin qiymətini 80 dollardan artıq səviyyədə saxlamaq üçün dünya iqtisadiyyatı hələ zəifdir. Analitiklərin fikrincə, neftin qiymətinin kəskin artımı iqtisadiyyatda yeni başlayan bərpa prosesinə son qoya bilər.
Cari həftənin əvvəlindən dünya bazarlarında neftin qiyməti ABŞ fond bazarının artması fonunda dörd faiz artıb.
Cümə axşamı - 22 oktyabrda aparılan ticarətin yekunlarına görə, Nyu-York birjasında WTI tipli ABŞ yüngül neftinin noyabr fyuçers müqaviləsi üzrə qiyməti 81.19 dollar/barel təşkil edib. London birjasında neftin Şimal dənizi növü - Brentin dekabr fyuçers müqaviləsi üzrə qiyməti 79.51 dollar/barel olub.
JPMorgan-ın proqnozuna görə, 2009-cu ildə WTI-ın orta qiyməti 60.34 dollar/barel, 2010-cu ildə isə 68.75 dollar/barel təşkil edəcək. Əvvəllər bank WTI-ın orta qiymətini 59,09 və 67.5 dollar/barel proqnozlaşdırırdı.
Bu ilin dördüncü rübündə yüngül Amerika neftinin qiyməti 70 dollar/barelə təşkil edəcək.
Bankın analitiklərinin rpoqnozuna görə, gələn ilin üçüncü və dördüncü rübündə WTI neftinin qiyməti maksimal səviyyəyə - 70 dollar/barelə çatacaq. Bankın proqnozuna görə, gələn ilin ikinci rübündə bir barelin qiyməti 65 dollar olacaq.
JPMorgan Brent neft növünün 2009-cu ildə orta qiymətini 61,62 dollar proqnozlaşdırıb. Proqnoza müvafiq olaraq, 2010-cu ildə bir barelin qiyməti 70 dollara çatacaq. Bu ilin dördüncü rübündə neftin bu növünün qiyməti 72 dollar/barel olacaq.
Məqalə müəllifi ilə əlaqə ünvanı: [email protected]