Azərbaycan, Bakı, 06 noyabr / Trend , müxbir E.İsmayılov/
ARDNŞ (Azərbaycan Respublikası Dövlət Neft Şirkəti) və British Petroleum (BP) Azərbaycanın "Şəfəq" və "Asiman" perspektivli strukturlarının birgə işlənməsinə dair memorandum imzalaya bilər. Bu barədə ARDNŞ-nin yüksək vəzifəli nümayəndəsi bildirirb.
İyulda ARDNŞ və BP şirkəti Londonda Xəzərin Azərbaycan sektorundakı "Şəfəq" və "Asiman" perspektivli strukturlarının birgə işlənməsinə dair " Qarşılıqlı anlaşma haqqında" memorandum imzalayıblar. Sənəd ARDNŞ prezidenti Rövnəq Abdullayev və BP Exploration and Production-ın rəhbəri Endi İnqlis tərəfindən imzalanıb.
"Müqavilə ola bilsin ki, gələn il imzalanacaq, çünki biz əvvəlcə ticari prinsiplər üzrə razılaşma imzalamalıyıq", - ARDNŞ nümayəndəsi deyib.
Mənbənin sözlərinə görə, tərəflər hazırda ticari məsələləri razılaşdırırlar. Artıq tərəflərin razılaşmalı olduğu məsələlərin və işlərin qrafiki tutulub.
Əvvəllər tərəflər arasında imzalanan memoranduma əsasən, BP şirkəti Bakıdan cənub-şərqə doğru 125 kilometr məsafədə yerləşən blokların axtarışı və işlənməsi üzrə PSA tipi müqavilənin bağlanmasına dair danışıqların aparılmasına görə hüquqi statusa malikdir. Əvvəllər blokda axtarış aparılmayıb, blok suyun 650-800 metr dərinliyində yerləşir.
"Azəri-Çıraq-Günəşli" neft-qaz yataqlar blokunun işlənməsi və "Şahdəniz" qaz-kondensat yatağının işlənməsinə dair layihəyə başçılıq edən BP şirkəti Azərbaycanda əsas xarici neft sərmayədarlarından biridir. BP həm də Bakı-Tbilisi-Ceyhan neft kəmərinin operatorudur.
Məqalə müəllifi ilə əlaqə ünvanı: [email protected]