...

İran neft sənayesinə 24-30 milyard dollar kapital yatırmalıdır

Energetika Materials 23 Fevral 2010 18:48 (UTC +04:00)
İran yaxın 20 ildə qarşıya qoyulmuş tapşırıqların reallaşdırılması üçün öz neft sənayesinə ildə 24-30 milyard dollar kapital qoymalıdır. Bu barədə İran Milli Qaz Şirkətinin (NIOC) rəhbəri Seyfulla Cəşnsaz bildirib.

Trend-i buradan izləyin

Azərbaycan, Bakı, 23 fevral / Trend , müxbir K.Konyayeva/

İran yaxın 20 ildə qarşıya qoyulmuş tapşırıqların reallaşdırılması üçün öz neft sənayesinə ildə 24-30 milyard dollar kapital qoymalıdır. Bu barədə İran Milli Qaz Şirkətinin (NIOC) rəhbəri Seyfulla Cəşnsaz bildirib. Məlumatı İranın Press TV televiziyasının rəsmi saytı yayıb.

"İran öz qonşuları ilə birgə neft və qaz yataqlarının işlənməsinə prioritet diqqət ayırır. Buna İran və Qətər ərazisində yerləşən "Cənubi Pars" qaz yatağını misal göstərmək olar", - Cəşnsaz jurnalistlərə deyib.

O əlavə edib ki, İran Oman, Küveyt və Səudiyyə Ərəbistanı daxil olmaqla, öz qonşuları ilə 12 birgə neft yatağı işlədir.

Əvvəlcə NIOC-un rəhbəri demişdi ki, hökumət Neft Nazirliyinə neftin satışından əldə olunan 11 milyard dolları neft sənayesinin inkişafına yatırmağa icazə verib.

Cəşnsaz vurğulayıb ki, neft sənayesinin həyat qabiliyyətini saxlamaq üçün İrana böyük həcmdə xarici investisiya cəlb edilməlidir. "Əgər biz neft sahəsinə vaxtında kapital yatırmasaq, bunun nəticəsində dəymiş zərəri aradan qaldırmaq mümkün olmayacaq", - o vurğulayıb.

Hazırda İran bu sahədə kredit və Qərb ölkələrinin İranın nüvə proqramına görə dəstəklədiyi sanksiya problemləri ilə əlaqədar olaraq çətinliklərlə üzləşir.

Xəbər lenti

Xəbər lenti