Azərbaycan, Bakı, 27 fevral / Trend , müxbir E.İsmayılov/
ARDNŞ-nin (Azərbaycan Respublikası Dövlət Neft Şirkəti) Ukraynadakı yeni neft bazası şirkətin əvvəllər aldığı yanacaq doldurma stansiyaları şəbəkəsi vasitəsilə neft məhsullarının Ukrayna bazarında həm topdansatış, həm də pərakəndə satışına imkan verəcək. Bu barədə ARDNŞ-nin rəbbəri Rövnəq Abdullayev şənbə günü məlumat verib.
"Neft bazası (Odessada yerləşir) alınan neft məhsullarının anbara yığılmasına, həmçinin onların həm sonradan, həm də bizim yanacaq doldurma stansiyalarının vasitəsilə satışına imkan yaradacaq. Hazırda stansiyaların rebredinqi həyata keçirilir", - Abdullayev bildirib.
Onun sözlərinə görə, Ukrayna bazarında satılan neft məhsulları həm Azərbayan istehsalı ola bilər, həm də Ukraynanın neft emalı zavodlarından alına bilər.
"Əgər iqtisadiyyat imkan verərsə, bunlar bizim neft məhsullarımız olacaq, əgər belə olmasa, biz onları Ukraynanın neft emalı zavodlarından alacağıq. Ukraynadakı digər şirkətlər də bu prinsip üzrə işləyirlər", - Abdullayev bildirib.
ARDNŞ artıq Ukraynada 20-yə yaxın yanacaq doldurma stansiyası alıb. Hazırda onların rebredinqi üzrə iş aparılır. Bu layihə şirkətin Ukrayna bazarında neft məhsullarının irimiqyaslı pərakəndə satışı üzrə geniş fəaliyyət proqramının yalnız bir hissəsidir.
Həmin yanacaq doldurma stansiyalarında satışa birinci rübün sonlarında başlanması gözlənilir.
