Azərbaycan, Bakı, 30 aprel /Trend/
İranın "Şimali Azadegan" strukturunda ilk quyu qazan Çin çirkəti "CNPC" neft əldə edib. Bu barədə İranın FARS informasiya agentliyi məumat yayıb.
Həmin yataqda neft üç qatda aşkar olunub. "Şimali Azadegan" strukturunda qazma işləri bir il əvvəl Çin şirkətinə verilmişdi.
Çin şirkəti səkkiz il müddətində bu yataqdan İran ilə birgə neft hasil edəcək. Məlumata əsasən, "Şimali Azadegan"ın birinci mərhələsinin işlənməsi çərçivəsində sutkada 75 min barel neft hasil etmək nəzərdə tutulub.
Proqnozlara əsasən, "Şimali Azadegan" yatağının ehtiyatı 7 milyard barel neft təşkil edir. Yatağın inkişafı məqsədilə ikitərəfli müqavilə hələlik imzalanmayıb.
