...

ARDNŞ Xəzərdə yeni qaz obyektinin quraşdırılması üzrə plan hazırlayır

Energetika Materials 11 Avqust 2010 17:34 (UTC +04:00)

Azərbaycan, Bakı, 11 avqust /Trend, müxbir E.İsmayılov/

ARDNŞ "Günəşli" yatağında ikibloku qaz-lift platformasının quraşdırılması üçün infrastruktur və kommunikasiyanın köçürülməsi üzrə plan hazırlayıb. Bu barədə çərşənbə günü ARDNŞ-dəkı mənbə deyib.

"Bu platformanın quraşdırılması üçün infrastruktur və kommunikasıyanı tuta biləcək meydança seçilib, söhbət neft və qaz boru kəmərlərindən gedir. Hazırda "Neftqazelmitədqiqatlayihə" İnstitutu infrastrukturun köçürülməsi üzrə sxemin üzərində işləyir", - mənbə bildirib.

Onun sözlərinə görə, plan hazırlandıqdan sonra, infrastrukturun köçürülməsi və platformanın bloklarının quraşdırılması üzrə işlər görüləcək. Mənbənin fikrincə, işlərin görülməsi bir neçə ay vaxt tələb edir.

Platformanın hər iki bloku yatağa göndərilməyə artıq hazırdır. Bloklardan biri Heydər Əliyev adına Dərin Özüllər Zavodunda, digəri isə 90-cı illərdən "Günəşli-20"nin istifadəsiz qalmış dirək bloku əsasında tikilib.

Yeni platforma "Günəşli" yatağında dənizin 90-92 metrliyində, "Günəşli-4" platformasının 50 metrliyində quraşdırılacaq. Platformalar öz aralarında piyada körpüsü ilə birləşdiriləcək. Layihəyə əsasən, sosial infrastruktur - yaşayış bloku, yeməkxana, ehtiyat qazma və vertolyot meydançaları hər iki platforma üçün ümumi olacaq.

Yeni platformanın yuxarı tikililəri texniki ehtiyaclar üçün nəzərdə tutulub. Burada səkkiz maşından ibarət yeni qaz-lif stansiyası tikiləcək. Bu stansiyanın köməyi ilə 125 atmosfer təzyiqli qaz plastlara vurulacaq. Yuxarı tikililər - kompressor stansiyası və bütün sənaye infrastrukturu xaricdə layihələşdiriləcək və istehsal ediləcək.

Yeni platformanın hidrotexniki dirəkləri üzrə layihəsi ARDNŞ-in "Neftqazelmitədqiqatlayihə" Elmi-Tədqiqat və Layihə İnstitutu tərəfindən hazırlanıb.

Xəbər lenti

Xəbər lenti