Azərbaycan, Bakı, 18 avqust /Trend/
Yanvar-iyul aylarında ARDNŞ Azərbaycan əhalisinə 1,2 milyard kubmetrə yaxın qaz tədarük edib. Bu barədə ARDNŞ-in məlumatında deyilir. İyulda ARDNŞ tərəfindən əhaliyə 66,2 milyon kubmetr qaz verilib.
Yanvar-iyul aylarında şirkət sənaye müəssisələrinə 577,7 milyon kubmetr qaz ötürüb. İyulda sənaye müəssisələrinə 49,4 milyon kubmetr qaz göndərilib.
Yanvar-iyul aylarında kommunal büdcə müəssisələrinə 154,3 milyon kubmetr qaz ötürülüb. İyulda bu göstərici 3,6 milyon kubmetr qaz təşkil edib.
Yanvar-iyul aylarında ARDNŞ Naxçıvan Muxtar Respublikasının Energetika İdarəsinə 53,7 milyon kubmetr qaz ötürüb. İyulda bu göstərici 8,1 milyon kubmetr təşkil edib.
Əvvəllər ölkə daxilində bütün qaz əməliyyatlarını "Azəriqaz" QSC həyata keçirirdi. Ötən ilin iyununda "Azəriqaz" QSC İstehsalat Birliyi qismində ARDNŞ-in tərkibinə daxil edilib.
