Тürkmənistan, Aşqabad, 27 avqust /Trend, müxbir H.Həsənov/
Türkmənistan Türkmənbaşı və Seydi şəhərlərində neft emalı zavodları və Naip vilayətində qaz emalı kompleksinin istehsal etdiyi 100 min tondan çox neft məhsullarını Dövlət Əmtəə-Xammal Birjasında hərraca çıxarıb.
Müxtəlif istiqamətlərə göndərilməklə birjaya 70 mindən çox maye qaz, üç min tona yaxın polipropilen, 30 min ton mazut çıxarılıb.
Ötən həftə bazarlarda 38-dən çox saziş qeydə alınıb.
Rusiya, Birləşmiş Ərəb Əmirlikləri, Böyük Britaniya, Əfqanıstanın iş adamları mazut, aviasiya nefti, maye qaz, dizel yanacağı və polipropilen alıblar.
Ənənəvi olaraq əsas alıcılar ABŞ, İsveçrə, Virciniya adaları, Niderland, RF, Qazaxıstan, Rusiya, İran və digər ölkələrin şirkətləridir. İqtisadiyyatın digər sahələrində sazişlərin ümumi məbləği 57 milyon 199 min dolları ötüb.
Əmtəə-Xammal Birjası Türkmənistanda ixrac-idxal əməliyyatlarının nizama salınması üzrə dövlət orqanının fəaliyyətini həyata keçirir.
