Azərbaycan, Bakı, 4 mart /Trend/
Yanvar-fevral aylarında ARDNŞ-nin "Azəriqaz" İstehsalat Birliyi Ekologiya İdarəsinə istixana effekti yaradan qaz mənbələrinin inventarizasiyası üzrə məlumatları təqdim edib. Trend-in məlumatına görə, bu barədə ARDNŞ-in Ekologiya İdarəsinin cümə günü yaydığı məlumatda deyilir.
Bu işlər BMT-nin Kioto Protokolunun Təmiz İnkişaf Mexanizmi (TİM) çərçivəsində sənədlərin hazırlanması üçün aparılıb.
Həmçinin bu dövr ərzində "Azəriqaz" İB struktur bölmələrində 2010-cu il üçün radioaktiv maddələr və ionlaşdırıcı şüa mənbəyinə malik qurğu və avadanlıqlar haqqında ümumiləşdirilmiş məlumatın hazırlanması üzrə işi başa çatdılıb. Bu işlər "Radioaktiv maddələrin dövlət qeydiyyatının aparılması" sənədinin hazırlanması çərçivəsində aparılıb.
"Azəriqaz" İB Azərbaycanda qazın nəqli və paylanması ilə məşğul olur və ARDNŞ-nin tərkibinə daxildir.
