Azərbaycan, Bakı, 16 iyun /Trend/
Dünya qazma praktikasında ilk dəfə olaraq ARDNŞ mütəxəssisləri tərəfindən "NanoNeft", "NanoBitum", "NanoYağ", "NanoQudron" və stasionar özüllərdə dizel mühərriklərinin işlənmiş yağları əsasında "NanoMAY" sistemləri yaradılıb. Trend-in məlumatına görə, bu barədə ARDNŞ-nin cümə axşamı yaydığı məlumatda deyilir.
Bu sistemlər Bakı və Abşeron arxipelaqlarında yerləşən "Qum adası", "Günəşli", "Bibheybət", "Balaxanı", "Neft Daşları", "Pirallahı" yataqlarında 20-yə qədər neft və qaz quyusunda istifadə edilib. Hazırda nanotexnologiyalar əsasında qazma işləri uğurla davam etdirilir.
Nanosistemlər respublikada patent sənədləri, texniki şərtləri statusunu alıb, elmi-praktiki dəyərləri UNESCO-EOLSS 6.152 "Nanoelm və nanotexnologiyalar" ensiklopediyasında dərc olunub.