Azərbaycan, Bakı, 25 iyul /Trend, müxbir E.İsmayılov/
Qaz sahəsində texniki şərtlərin göstərilməsi üzrə yeni qaydalar, eləcə də əhali arasında istehlakçılar üçün qoşulma qaydaları baxılmaq üçün dövlət idarə və müəssisələrinə təqdim olunub. Bu barədə bazar ertəsi Trend-ə Sənaye və Energetika Nazirliyi yanında Dövlət Qaz Nəzarəti İdarəsinin rəisi Asif Zeynalov bildirib.
Onun sözlərinə görə, nazirlik və idarə baxıldıqdan sonra yeni qaydalarla bağlı öz fikrini bildirəcək. Təqdim olunan fikirlər nəzərə alınacaq və qaydalara əlavələr ediləcək.
"Ən başlıcası odur ki, qazdan istifadə qaydaları təsdiqlənsin. Bu mərhələdə nəzərdə tutulan qaydalara əlavə bundan əvvəl təsdiqlənən qaydalardan irəli gəlir", - Zeynalov bildirib.
Onun sözlərinə görə, yeni qaydalara baxılması və onların təsdiqlənməsi çox vaxt aparmayacaq.
Bundan əvvəl Nazirlər Kabineti Azərbaycanda qazdan istifadənin yeni qaydalarını təsdiqləyib.
