Azərbaycan, Bakı, 16 aprel/Trend, müxbir E. İsmayılov/
Azərbaycan Respublikası Dövlət Neft Şirkəti (ARDNŞ) Bakı Paylayıcı Şəbəkəsinə bir nöqtədən qazın tədarükünün təmin edilməsi imkanlarını nəzərdən keçirir. Bu barədə bazr ertəsi Trend-ə ARDNŞ-dən bildiriblər.
Bu imkan ARDNŞ-nin ölkədə Neft-Qaz emalı və Neft-Kimya məhsullarının istehsalı üzrə Kompleksin (OGPC) yaradılması çərçivəsində yeni qaz emalı zavodun tikintisi üzrə planları ilə bağlı nəzərdən keçirilir.
"Müvafiq olaraq, bütün qaz yeni zavod tərəfindən qəbul ediləcək, habelə emal ediləcək və artıq təmizlənmiş şəkildə paylayıcı şəbəkəyə tədarük ediləcək ki, istehlakçılar istifadə etsin" , - mənbə qeyd edib.
Hazırda paytaxta qaz üç istiqamətdən-Qaradağ, Hövsan və Zığdan və 27 müxtəlif məntəqədən tədarük edilir.
Bir nöqtədən qazın tədarükü imkanlarının reallaşdırılacağı təqdirdə, bütün zəriri təhlükəsizlik tədbirləri nəzərdən keçiriləcək, təhlükəsizliyin təmin edilməsi və qabaqcadan xəbərdarlıq üzrə xüsusi avtomatik sistem yaradılacaq, dolayı və ehtiyat qaz kəmərləri çəkiləcək.
"Bütün bunlar təhlükəsizliyin yüksək səviyyədə təmin olunmasını təmin edəcək" , - mənbə qeyd edib.