Azərbaycan, Bakı, 8 avqust /Trend, müxbir A.Tağıyeva/
Ötən bazar günü Türkiyənin Mardin əyalətində partladılan Kərkük-Yumurtalıq neft kəməri üzrə İraq neftinin Türkiyəyə nəqli bir həftədən sonra tam bərpa ediləcək. Bu barədə Trend-ə çərşənbə günü "Botaş" şirkətindən bildiriblər.
"Neft kəmərində texniki işlər aparılır. Hazırda paralel neft kəməri vasitəsilə Türkiyəyə kiçik həcmdə neft tədarük edilir. Tədarük bir həftədən sonra tam bərpa ediləcək", - şirkətdən deyiblər.
Məlumata görə, partlayışa səbəb terrorçu Kürd Fəhlə Partiyasının (PKK) üzvlərinin sabotajı olub.