Azərbaycan, Bakı, 15 oktyabr /Trend, müxbir A.Axundov/
Azərbaycanın 2013-cü il və sonrakı üç il üzrə dövlət büdcəsinin layihəsinə görə, gələn il ölkədə 43,2 milyon ton neft və 28,8 milyard kubmetr təbii qazın hasil olunması proqnozlaşdırılır. Trend-in məlumatına görə, bu barədə Azərbaycan Maliyyə Nazirliyinin bazar ertəsi yaydığı məlumatda deyilir.
Proqnozlara görə, ölkədə neft hasilatında 2012-ci ilin sonuna olan proqnoz göstəricilərlə müqayisədə (42,9 milyon ton) 0,7 faiz artım, 2011-ci ilin faktiki göstəriciləri ilə müqayisədə (45,6 milyon ton) 5,26 faiz azalma gözlənilir.
Qaz hasilatı bu ilin proqnozlarını (27,1 milyard kubmetr) 6,27 faiz və 2011-ci ilin faktiki göstəricilərini (25,7 milyarad kubmetr) 12,06 faiz üstələyəcək.
