...

"Şahdəniz"də hasilat quyularından birinin dayandırılması qaz ixracına təsir etməyib

Energetika Materials 26 Noyabr 2012 20:30 (UTC +04:00)

Azərbaycan, Bakı, 26 noyabr /Trend, müxbir E.İsmayılov/

Azərbaycanın "Şahdəniz" qaz-kondensat dəniz yatağındakı hasilat quyularından birinin fəaliyyətinin dayandırılması ixracat əməliyyatlarının təmin edilməsinə təsir etməyib. Trend-in məlumatına görə, bu barədə bazar ertəsi jurnalistlərə ARDNŞ-nin birinci vitse-prezidenti Xoşbəxt Yusifzadə bildirib.

Onun sözlərinə görə, hazırda yataqda 4 quyu işləyir, quyulardan birinin fəaliyyəti texniki səbəblərdən dayandırılıb və yatağın texniki operatoru olan BP şirkəti hazırda problemin həlli və quyunu istismara vermək üçün işlər aparır.

"Əgər yataqdakı beş quyunun işlənməsi zamanı sutkada 27-28 milyon kubmetr qaz hasil edilirdisə, hazırda bu göstərici 23 milyon kubmetr təşkil edir. Yeganə mənfi amil odur ki, quyuların istismardan çıxarılması ölkənin yeraltı qaz anbarlarından qazın yığılmasına gətirib çıxardı", - Yusifzadə qeyd edib.

Onun sözlərinə görə, yataqdakı quyulardan birinin fəaliyyətinin dayandırılması qaz ixracının təmin edilməsinə heç cür təsir etməyib.

Məqalədə:
Xəbər lenti

Xəbər lenti