...

2024-cü ilə Azərbaycanda illik qaz hasilatının həcmi 50 milyard kubmetrə çatacaq

Energetika Materials 26 Noyabr 2012 20:54 (UTC +04:00)

Azərbaycan, Bakı, 26 noyabr /Trend, müxbir E.İsmayılov/

2024-cü ilə Azərbaycanda illik qaz hasilatının həcmi 50 milyard kubmetrə çatacaq. Trend-in məlumatına görə, bu barədə bazar ertəsi Azərbaycan Respublikası Dövlət Neft Şirkətinin (ARDNŞ) birinci vitse-prezidenti Xoşbəxt Yusifzadə Xəzər-Avropa İnteqrasiya İşgüzar Klubunun (CEIBC) iclasında bildirib.

"Azərbaycanda qaz hasilatının həcmini artırmaq üçün böyük imkanlar, xüsusən, bir sıra qaz-kondensat yataqları və perspektiv strukturlar var ki, bu da perspektivdə ölkədə hasilatın həcmini xeyli artırmağa imkan yaradacaq", - I vitse-prezident qeyd edib.

Yusifzadə deyib ki, Azərbaycanda yeni yataqların ("Ümid" və "Abşeron"), eləcə də perspektiv strukturların ("Babək", "Şəfəq-Asiman", "Naxçıvan") açılması iri qaz ehtiyatlarının olmasını təsdiq edir.

Qaz ehtiyatlarının həcminin artırılması ilə yanaşı, ölkədə yeni neft yataqlarının axtarışı üzrə işlər aparılır. Xüsusən, Mezozoy çöküntülərinin öyrənilməsi üzrə işlər görülür. Həmçinin, xarici şirkətlərlə danışıqlar aparılır.

Yusifzadənin sözlərinə görə, Azərbaycanın ən iri neft-qaz yataqlar bloku "Azəri-Çıraq-Günəşli"dən indiyədək blokdan 289 milyon ton neft hasil edilib ki, bu həcmdən 144 milyon ton Azərbaycanın mənfəət neftinin payına düşüb. Blokda hasil edilən neftin ümumi həcmindən 200 milyon ton Bakı-Tbilisi-Ceyhan neft kəməri vasitəsilə nəql edilib.

Məqalədə:
Xəbər lenti

Xəbər lenti