Azərbaycan, Bakı, 30 dekabr /Trend, müxbir E.İsmayılov/
2025-ci ilə Azərbaycanın qaz ixracı potensialı 40 milyard kubmetr təşkil edəcək. Trend-in məlumatına görə, bu barədə ARDNŞ-in prezidenti Rövnəq Abdullayev bazar günü ilin yekunlarına həsr olunmuş tədbirdə bildirib.
"2020-ci ilə bu göstərici 25 milyard kubmetr təşkil edəcək", - Abdullayev bildirib.
Bunun təsdiqi kimi, "Şahdəniz" yatağı ilə yanaşı, "Ümid" və "Abşeron" kimi yataqların kəşfini göstərmək olar.
"Ümid" yatağından qaz və kondensat artıq ümumi şəbəkəyə tədarük edilir, "Abşeron" yatağından isə ilk qaz 2020-ci ildə əldə olunacaq", - Abdullayev bildirib.
2020-ci ildə Azərbaycanın qaz hasilatını 54 milyard kubmetrə çatdıracağı gözlənilir. 2012-ci ildə respublikada qaz hasilatının həcmi 27,9 milyard kubmetr təşkil edib, ötən il isə ölkədə 25,7 milyard kubmetr qaz çıxarılıb.