Azərbaycan, Bakı, 30 mart /Trend, müxbir E.İsmayılov/
Azərbaycan Respublikası Dövlət Neft Şirkəti (ARDNŞ) 2015-ci ilədək öz yataqlarında neft hasilatının həcmini 2 milyon ton artırmağı planlaşdırır. Trend-in məlumatına görə, bunu şənbə günü jurnalistlərə ARDNŞ prezidenti Rövnəq Abdullayev deyib.
"ARDNŞ hazırda məqsədi köhnə yataqlarda neft hasilatının həcmini sabitləşdirmək deyil, istehsalı artırmaq olan proqram hazırlayır", - Abdullayev qeyd edib.
Onun sözlərinə görə, bu proqram ARDNŞ-nin balansında olan quru və dəniz yataqlarını əhatə edir.
Abdullayev deyib ki, qarşıya qoyulan məqsədlərə çatmaq üçün yeni avadanlıq və texnologiyalar lazımdır, bununla əlaqədar olaraq, hazırda şirkət tərəfindən artıq hazırlıq işləri aparılır.
