Azərbaycan, Bakı, 13 noyabr /Trend/
2013-cü ilin 3 rübü ərzində Böyük Britaniyanın BP şirkəti və tərəfdaşları Azərbaycanın "Azəri-Çıraq-Günəşli" (AÇG) neft-qaz yataqları blokundan 24,5 milyon ton (181 milyon barel) neft hasil ediblər. Ötən ilin müvafiq dövründə bu rəqəm 25,3 milyon ton olub. Trend-in məlumatına görə, bu barədə BP-nin 3 rübün yekunlarına dair hesabatında deyilir.
Qeyd olunur ki, yanvar-sentyabr aylarında həmin yataqlar blokunda hasilat gündə orta hesabla 663,2 min barel neft təşkil edib. Bu göstərici ötən ilin müvafiq dövründə 684 min barelə bərabər olub.
Hesabatda deyilir ki, 3 rüb ərzində layihə çərçivəsində əməliyyat xərcləri 574 milyon dollar, əsaslı xərclər isə 2 514 milyon dollar təşkil edib.
