Azərbaycan, Bakı, 23 iyun /Trend/
İran Naxçıvan Muxtar Respublikasını (NMR) qazla təmin etmək üçün "svop" əməliyyatları çərçivəsində aldığı qaz həcmlərinin Azərbaycanda saxlanılmasında maraqlıdır. Bunu bazar ertəsi Trend-ə neft-qaz bazarındakı mənbə deyib.
İrana qaz tədarükü prosesini Azərbaycan Respublikası Dövlət Neft Şirkəti (ARDNŞ) təmin edir.
Mənbənin sözlərinə görə, hazırda NMR-in təmin edilməsi üçün nəzərdə tutulmuş qaz İrana il ərzində tədarük edilir. Lakin İran bu qazın Azərbaycanın qaz anbarlarında saxlanılmasının və qazın daha çox tələb olunduğu qış dövründə Azərbaycan tərəfindən İrana tədarükünün təmin olunmasını təklif edir.
O, qeyd edib ki, İranın bu təklifi hazırda nəzərdən keçirilir.
